БИ УУЧИЛСАН

БИ УУЧИЛСАН

Цэцэг цэцгийн өнгөнд шунаж нүүсэн эрвээхэйн занг уучилсан
Цэнхэр манантай намраар мэнд л байгаасай гэж залбирсан
Цаг цагийн аясаар урваж нүүсэн шувуудыг уучилсан
Цаадхан далайдаа очоод жаргаад ирээсэй гэж ерөөсөн
БИ УУЧИЛСАН


Гэмгүй явахад минь гүтгэсэн танихгүй хүнийг уучилсан
Гишгэсэн мөр бүхэнд минь аз тохиодоггүйг ойлгосон
Гэгээ татуулж явахад минь атаархсан танил хүмүүсээ уучилсан
Гэрэл байгаа газарт сүүдэр байдгийг ухаарсан
БИ УУЧИЛСАН

Намайг гомдоож зүрх зүссэн хэн бүхнийг би уучилсан
Яахавдээ хүн л юм чинь гээд цагаатгасан
Нартад олон хүнийг гомдоосон өөрийгөө ч уучилсан
Яалтай ч билээ дээ тэнэгхэн залуу нас минь гэж цайруулсан
БИ УУЧИЛСАН

Уучилахгүй л бол зүрх хүндрээд байхлаар нь
Уужимхан хорвоо давчдаад байхлаар нь
Цөмийг нь би уучилж орхисон
Цээжин дотроос минь хайр ундарсаан
БИ УУЧИЛСАН

Зохиогч (Мэдэхгүй. Жинхэнэ зохиогчийн нэрийг олж мэдэх хүсэлтэй байна.)

Эгдүүтэй эсгий тоглоомууд

ОХУ-ын иргэн Надежда Мичеевагийн уран бүтээл болох эдгээр эгдүүтэй эсгий тоглоомуудыг толилуулж байна. Эсгий материал нь цэвэр байгалын гаралтай, хүүхдэд харшил үүсгэхгүй тул эсгийгээр хийсэн тоглоомууд нь эрүүл мэндийн чухал ач холбогдолтой юм. Саяхан Америк найзууд маань надад бас эсгийгээр хийсэн хөөрхөн дельфин бэлэглэсэн ба тэд дельфинийг Улаанбаатарт байдаг эсгий эдлэл зардаг "Цагаан-Алт" дэлгүүрээс авсан гэж хэлсэн. Зургийг нь хамгийн доор орууллаа. Enjoy :)

Эх сурвалж: Надежда Мичеева